ఇంటర్ అర్హతతో భారీ ఉద్యోగాలు..ఇప్పుడే అప్లై చేసుకోండి!
సీఐఎస్‌ఎఫ్‌లో ప్రభుత్వ ఉద్యోగం సాధించాలని కలలు కంటున్న యువతకు ఇదో సువర్ణావకాశం అని చెప్పవచ్చు ఎన్నో రోజుల నుంచి మీరు ఎదురుచూస్తున్న నోటిఫికేషన్ రానే వచ్చింది. ఈ రిక్రూట్మెంట్ తో మీ ఉద్యోగ కల నెరవేర్చుకొండి. కానిస్టేబుల్/ఫైర్ రిక్రూట్మెంట్ (CISF కానిస్టేబుల్ ఫైర్‌మ్యాన్ రిక్రూట్మెంట్ 2024) కోసం రిజిస్ట్రేషన్‌ను సెంట్రల్ ఇండస్ట్రియల్ సెక్యూరిటీ ఫోర్స్ (CISF) ఈరోజు అంటే ఆగస్టు 31 నుండి ప్రారంభించింది. ఈ రిక్రూట్‌మెంట్‌కు అర్హత ఉన్న ఏ అభ్యర్థి అయినా CISF cisfrectt.cisf.gov.in అధికారిక వెబ్‌సైట్‌ను సందర్శించడం ద్వారా ఆన్‌లైన్ మోడ్ ద్వారా దరఖాస్తు ప్రక్రియను పూర్తి చేయవచ్చు. దరఖాస్తు ఫారమ్‌ను పూరించడానికి చివరి తేదీ 30 సెప్టెంబర్ 2024గా నిర్ణయించబడింది.
ఎవరు దరఖాస్తు చేసుకోవచ్చు?
ఈ రిక్రూట్‌మెంట్‌కు దరఖాస్తు చేసుకోవడానికి అభ్యర్థులు గుర్తింపు పొందిన బోర్డు నుండి 10+2 (ఇంటర్మీడియట్) ఉత్తీర్ణులై ఉండటం తప్పనిసరి. దీనితో పాటు..అభ్యర్థుల వయస్సు 30 సెప్టెంబర్ 2024 నాటికి కనిష్టంగా 18 సంవత్సరాలు, గరిష్ట వయస్సు 23 సంవత్సరాలు మించకూడదు. రిజర్వ్‌డ్ కేటగిరీ నుండి వచ్చే అభ్యర్థులకు నిబంధనల ప్రకారం..గరిష్ట వయోపరిమితి సడలింపు అందించబడుతుంది.
ఇలా దరఖాస్తు చేసుకోండి
1. CAISF కానిస్టేబుల్ రిక్రూట్మెంట్ దరఖాస్తు ఫారమ్‌ను పూరించడానికి ముందుగా అధికారిక వెబ్‌సైట్‌ను సందర్శించండి.
2. వెబ్‌సైట్ హోమ్ పేజీలోని లాగిన్ బటన్‌పై క్లిక్ చేయండి.
3. కొత్త రిజిస్ట్రేషన్ కోసం అవసరమైన వివరాలను పూరించడం ద్వారా మీరు మొదట కొత్త పోర్టల్‌లో నమోదు చేసుకోవాలి.
4. దీని తర్వాత లాగిన్ ద్వారా ఇతర వివరాలను పూరించండి. దరఖాస్తు ప్రక్రియను పూర్తి చేయండి.
5. చివరగా అభ్యర్థులు నిర్ణీత రుసుమును డిపాజిట్ చేయాలి. పూర్తిగా నింపిన ఫారమ్‌ను సమర్పించాలి.
దరఖాస్తు రుసుము ఎంత?
ఈ రిక్రూట్మెంట్ కోసం దరఖాస్తుతో పాటు..జనరల్, OBC, EWS కేటగిరీ అభ్యర్థులు దరఖాస్తు రుసుముగా రూ.100 డిపాజిట్ చేయాలి. ఇకపోతే SC/ST/ESM కేటగిరీ అభ్యర్థులు ఈ రిక్రూట్‌మెంట్‌లో చేరడానికి ఉచిత దరఖాస్తు ఫారమ్‌ను పూరించవచ్చు.